Përshëndetje Ervis,

E përdora fjalën "produkt" sepse në kuptimin figurativ të saj në fjalorin e shqipes së sotme është përdorur edhe për gjëra abstrakte siç janë përfundimi, rezultati, rrjedhoja etj.
Zakonisht në fushën e TI-së "deliverables" mund të jetë rregullimi i një sistemi sigurie kompjuterash plus një softuer i ri, pra kemi rezultat plus diçka materiale siç është softueri. Prandaj sugjeroj të përdoret fjala "produkt".

Gjithë të mirat,
Juliana

Ervis, kjo është gjuhë kontraktuale projekti, në të cilën (kontratë) përcaktohen të gjitha dokumentet dhe objektivat qe duhen prodhuar dhe dorëzuar përfituesit (beneficiary) apo klientit. Po të jap një shembull:
- Në një kontratë Mirëmbajtjeje Rrugësh, në kontratë përcaktohet që inxhinieri duhet të përgatisë dhe paraqesë një Raporti Fillimi (Inception Report) dhe nga një Raport Mujor Ecurie. Përveç kësaj konsulenti (pra inxhinieri apo supervizori, në kontrata të ndryshme quhet me terma të ndryshme) duhet të trajnojë punonjësit e Drejtorive Rajonale të Mirëmbajtjes mbi disa tema: Veprimtari Rutinë Mirëmbajtjeje, mbi kontraktimin e shërbimeve privatëve të zonës, disbursim fondesh, etj, pra, duhet të përgatisë materialet e trajnimit dhe të kryejë trajnimin. Edhe këto quhen deliverables (trajnimi se bashku me materialet e tij). Pra janë dokumente dhe veprimtari/objektiva/plane të përcaktuara (detyruera) me kontratë.

Shpresoj të jem shprehur qartë :)