Sherefedin MUSTAFA (asker) Nov 5, 2008:

Nuk përkthehet "acquis communautaire" si shprehje mbetet e papërkthyer si në gjuhë të tjera ashtu edhe në shqip. Këtë ma konfirmoi një eksperte e Ministrisë së Transportit gjatë një seminari që këto ditë është mbajtur në Bruksel. Përndryshe është shprehje franceze dhe duhet të lexohet: [aki komynoter]. Për këtë arsye edhe po e mbyll këtë pyetje duke ju falenderuat të gjithëve për shkëmbimin e ideve rreth një përkthimi që, sic e shprehu Fabi: ende nuk paska lindur, e sipas të gjitha gjasave as që do të lindë ndonjëherë.

Αlban SHPΑTΑ Nov 4, 2008:

. Unë në fakt për vete do të preferoja të mos përkthehej fare si term, meqë ka hyrë në të gjithë BE-në në këtë formë, por e kam pak të vështirë t'i imagjinoj folësit nëpër TV shqiptare (apo njerëzit në përgjithësi) duke e germëzuar "live". Material ideal per Striscia. Për mendimin tim një zgjidhje e mirë do të ishte përdorimi në shqip *Legjislacioni i Bashkimit Evropian* dhe ne kllapa *(acquis communautaire)*

Fabiana Papastefani-Pezzoni Nov 3, 2008:

Nuk paska lindur ende :) Përshëndetje të gjithëve. Faleminderit Alban për lidhjen me dokumentin e BE-së. Ky term, që të jetë pikërisht ai i sakti jo vetëm nga pikëpamja gjuhësore por edhe nga ajo teknike dhe e domethënies së vërtetë, nuk paska lindur ende. Tani, dokumenti qenka pak i vjetër (2006) por ky fakt nuk ka gjithnjë rëndësi. Ka dokumente shumë shumë më të vjetra që përdoren si referencë, por thjeshtë po mendoja nëse MoJ dhe institucione të tjera i kanë gjetur ende vendin këtij termi në kuadrin ligjor shqiptar e pastaj edhe përkthimin.

Nga ana tjetër mua më vjen mirë që lexoj këtë dokument edhe për shkak të termave të tjerë që plot përkthyes aventuroheshin t'i përkthenin, sidomos ndër ata që përpiqeshin me çdo kusht të përdornin fjalë shqipe. Tek një institucion ndërkombëtar para nja 3-4 vjetësh kemi pasur një diskutim me ditë të tëra për disa terma të kontrollit dhe prokurimeve, të cilat nga shumica e përkthyesëve përktheheshin fjalë për fjalë.

Përshëndetje :)