Gentiana Kasemi Oct 24, 2013:

Juliana, duhet parë më tepër ndonjë fjalor mbi kërkimet në fushat sociale e mjekësore (mbi pacientë ndër vite e dekada), po kam idenë që nuk ka në shqip ende fjalor të tillë. Unë jam marrë me këto lloj kërkimesh (jo "longitudinale" ama:) dhe do ta përktheja si "gjatësore" pa problem, në fund të fundit dikush do ta fusë një term të ri nëse nuk është përdorur më parë.

Të tjera janë studimet transversale.
Fjalorët e mjekësisë më duket se nuk trajtojnë termat e kërkimeve shkencorë me sa mbaj mend, duhet të kontrollloj, e gjithsesi në ato vite ndoshta nuk thelloheshin aq shumë në tema të tilla apo në kërkime me numër tepër të madh pacientësh, ndoshta bëshin studime epidemiologjike apo mbi raste klinike. Studimet "longitudinale" janë tepër të vështira për t'u realizuar e bazohen mbi kritere të rrepta kërkimore. Gjithsesi, për mua një term i veçantë kërkon në përkthim një term të veçantë. Mendo sikur të përdorej i parafrazuar e do të duhej gjatë një teksti të pëdorej në versionin e gjatë "i shtrirë në kohë", apo i përshtatur me terma shumë të përgjithshëm si "i thelluar, i zgjeruar". Shumica e kërkimeve të mira mund të jenë studime të thelluara, të zgjeruara por jo gjatësore.