Gentiana Kasemi Mar 7, 2009:

E kuptoj ku qëndron problemi. Ideja është që kemi një prerje e cila na paraqet një seksion të strukturës. Një prerje gjatësore e kufizon gamën duke përzgjedhur gjatësinë si kriter prerjeje. Një prerje tërthore në fakt mund të jetë e disa llojeve, por është e vetmja alternativë që na jep gjuha jonë për të shprehur prerjet transversale (kjo fjalë kam idenë që nuk përdoret në shqip). Alternativë tjetër do të ishte përdorimi i: "prerje seksionale", "një seksion", "model seksional", sepse fjala "seksion" ka më tepër se një kuptim, e unë jam e sigurt që teknikët do ta kuptonin llojin e prerjes në këtë kontekst.

Ledja Mar 6, 2009:

Gjatësore vs tërthore : ) Po pikërisht prandaj po pyes, sepse prerja gjatësore dhe ajo tërthore në biologji paraqisnin dy prerje të ndryshme (mendo një kërcell të prerë për së gjati dhe një tërthorazi). Kurse në vizatim teknik, kur vizatonim trupa me prerje tërthore, dmth që u ishte hequr një pjesë duke u prerë me një rrafsh që nuk ishte domosdoshmërisht paralel me ndonjë nga tre akset ku projektohej, pra në shumicën e rasteve ky rrafsh ishte i pjerrët. Ndërsa Silke këtu e ka specifikuar prerjen si "nga lart poshtë" që mund të interpretohet vetëm si pingule.

Gentiana Kasemi Mar 6, 2009:

Nuk jam eksperte në arkitekturë, por një seksion apo nje prerje e tërthortë/tërthore/transversale, në çdo fushë dijeje është e ndryshme nga një prerje gjatësore. E di, fjalorët tanë shpesh i ngatërrojnë, por mjafton të kujtosh tekstet e biologjisë së gjimnazit (ose të anatomisë në shkollat e larta), ku një prerje tërthore (p.sh. e një indi) hasej shpesh si metodë në studimin e strukturave të ndryshme.

Ledja Mar 6, 2009:

TËRTHORTË Mua më pati shkuar mendja te fjala "e tërthortë" fillimisht, por ndërrova mendje pasi kontrollova fjalorin:
TËRTHORTË mb.
1. I pjerrët; që lidh dy skaje a dy kënde të
kundërta, jo i pingultë a horizontal, tërthor.
Vijë e tërthortë. Drejtim i tërthortë. Prerje e
tërthortë.
Do isha kureshtare të dija nga kolegët që e kanë përdorur nëse në arkitekturë mund të përdoret për prere për së gjati.