Нема дополнителни коментари

Лажни вести се вести кои се состојат од намерни дезинформации и се пренесуваат преку традиционалните медиуми (печатени и емитувани) или преку социјалните медиуми на интернет.

Лажните вести постоеле отсекогаш, но последниве години со развојот на интернетот и на онлајн-медиумите тие се проширија, па дури и станаа начин на заработка. Онлајн медиумите го олеснија „правењето“ вести, но го отежнаа препознавањето на веродостојните медиуми. Читателот треба да биде внимателен и да забележи некои од карактеристиките на овие вести, неусогласеноста на фактите, а понекогаш дури и „играта“ со предрасудите.<br /><br />Лажните вести можат да се идентификуваат или барем да се прочитаат со критичко око и одреден степен на скептицизам во однос на нивната вистинитост.<br /><br />„Лажните вести се феномен што не се врзува само со Македонија. Го врзуваме за една нова комуникациска средина на глобално ниво. За лажни вести почна да се зборува за време на политичката кампања 2016 год., за Брегзит и за време на претседателските избори во САД кога во изборната трка беа Клинтон-Трамп. И тогаш почна целиот тој хаос, што се случува во областа на комуникациите да се користат тие лажни вести. <br />Пред пет, шест или десетина години терминот беше спин, сега имаме „фејк њус“. Лажна вест е еден факт што е лага. На пример, прогласувате една личност за мртва, иако таа е жива. Отсекогаш постоела лага во медиумите, но сега социјалните мрежи ни даваат една идеална средина, една лажна вест, да вирее, да ја споделуваат.<br />Разни истражувања покажуваат дека луѓето можеби од каприц ненамерно споделуваат лажни вести и така се создава еден амбиент на дефокусација на јавното мислење, затоа што целта на една лажна вест е не да ви го промени ставот, туку да ви го тргне вниманието од една на друга страна. Има многу лажни вести. Во Македонија, исто така, на социјалните мрежи има многу лажни вести. Тука проблемот е и во знаењето на публиката и со етика на публиката. Од една страна да видам дали тоа е лажно или не, од друга страна етика дали јас ќе споделувам или ќе лажам на Интернет. Лажните вести се еден тежок социолошки-правен феномен. Тоа е цената на слободата на изразувањето, која ја овозможија новите медиумите“...<br />(извадок од интервјуто со д-р Јасна Бачовска Недиќ, професор на Правниот факултет „Јустинијан Први“ и раководител на студиите по новинарство, медиуми и комуникации).<br />Извор: <b><a href="https://kajgana.com/profesor-bachovska-nedikj-kje-ima-mnogu-lazhni-vesti-vo-presret-na-izborite" rel="nofollow noopener" target="_blank">https://kajgana.com/profesor-bachovska-nedikj-kje-ima-mnogu-...</a></b>