certified translation vs sworn translation

22:26 Mar 5, 2007 

Sherefedin --

Në Shqipëri, shprehja që përdoret është përkthim i certifikuar me noter, pavaresisht se në gjuhën letrare është më e saktë të shkruhet përkthim i certifikuar nga noter-i/-ja. Nejse...
Keti

07:29 Mar 5, 2007 

Ju falenderoj Keti dhe Monika për informacionin e vlevshëm dhe shpjegimin shumë të qartë. Pranoj se deri tash nuk e dija se si qëndronte puna e përkthimeve në Shqipëri, gjegjësisht mënyra e zyrtarizimit të tyre.

23:30 Mar 4, 2007 

Keti ka të drejtë: në SHBA përkthimi i certifikuar nga noteri (certified translation) nuk vërteton aspak që përkthimi i bërë është i saktë apo asnjë lloj certifikimi tjetër. Certifikon vetëm nënshkrimin e atij/asaj që ve nënshkrimin nën emrin e vet, në praninë e noterit. Pra noterizimi vetëm vërteton se personi që ve nënshkrimin dhe emrin në dokument është vërtet ai/ajo që thotë se është. Asgjë më shumë. Personalisht mendoj se noterizimi i përkthimeve në SHBA nuk ka aspak vlerë...

Është gjë tjetër diplomimi ose marrja e certifikatave/provimeve nga një kompani përkthimi dhe gjë tjetër noterizimi i përkthimeve. Kur shkon tek noteri në SHBA, ai nuk pyet fare dhe as nuk e di se çfarë ke përkthyer: vetëm është i interesuar të të kontrollojë dokumentin e identifikimit dhe vërteton nëse emri në dokumentin e identifikimit dhe emri në dokumentin që do të noterizohet është i njëjtë. Në Evropë është ndryshe.

Përsa i përket "sworn translation" në SHBA kjo bëhet zakonisht në gjykatë, kur gjykatësi ve nën betim përkthyesin dhe i kërkon atij/asaj të betohet se do të përkthejë vetëm të vërtetën. Zakonisht gjykatat kërkojnë dhe përdorin përkthyes që kanë mbaruar një farë kursi dhe kanë marrë certifikatën e kualifikimit si përkthyes gjykate, por kam dëgjuar që ka gjykata që marrin përkthyes shqiptarë edhe pa bërë asnjë lloj trajnimi.

22:52 Mar 4, 2007 

Sherefedin, kështu si spjeguat më lart ndodh në shumicën e shteteve të Evropes, ku përkthyesit janë të regjistruar në Min. e Drejtësisë p.sh. Spanjë, Gjermani etj. e u shërben vula e thatë. Kurse në ShBA-të betohesh vetëm kur përkthen me gojë e përkthimet me shkrim certifikohen me noter. Në Shqipëri noterët publikë jane te regjistruar pranë Min. së Drejtësisë gjithashtu, dhe shumica e tyre që e kanë këtë licencë janë avokatë. Kurse ne ShBA-te cdokush mund ta marrë provimin se është shumë i lehtë, rreth 1 orë.
Pra dhe njëherë përkthyesi/ja i/e jep vertetim me shkrim në dokumentin e përkthyer tek noteri /ja qe i/e vulos. Noteri/ja nuk mund të vulos për përkthimin e tij /saj në bazë të ligjit. Kjo metodë praktikohet edhe në Shqipëri.

Shëndet e të mira,
Keti

20:41 Mar 4, 2007 

Në Holandë, pasi dikush t'i plotësojë kushtet e parapara me ligj, një përkthyes bën kërkesë pranë Gjykatës së Qarkut ku banon për të dhënë "betimin". Në rast se pranohet kërkesa, përkthyesi del para gjykatësit dhe jep betimin se të gjitha përkthimet (me shkrim) do t'i bëjë në mënyrë të ndërgjegjshme dhe brenda aftësive profesionale. Pas kësaj ceremonie përkthyesi mer një aktvendim me shkrim në sajë të të cilit porosit një vulë zyrtare me stemën shtetërore, ku shkruan emri i tij dhe titulli "beëdigd vertaler" [=përkthyes i betuar].
Një gjë e tillë ekziston edhe në Maqedoni, me atë dallim se atje përkthyesin e autorizon Ministria e Drejtësisë, por "betimi" jepet para kancelarit të gjykatës e pas kësaj porosit vulën zyrtare.
A ekziston edhe në Shqipëri një procedurë e tillë? Ku regjistrohen përkthyesit që pastaj përkthimet i japin për vërtetim te një noter?
Është me vend vërejtja e Mimozës: kur përkthen në gjyq, para se të fillojë shqyrtimi i lëndës gjykatësi kërkon nga përkthyesi të betohet se do të përkthejë ashtu sic do të flitet.