blogosphere

17:14 Jun 11, 2009 

Klemi,

Unë jam i një mendjeje me ju kur flisni për pastërtinë e gjuhës shqipe dhe ruajtjen e saj. Nga ana tjetër duhet parë me ojektivitet sipas rastit mundësia e përkthimit. Në rastin e blogosferës kemi shembujt klasikë atmosfera, stratosfera etj që nuk janë përkthyer dot në shqip dhe tashmë kanë hyrë prej kohësh në të gjitha gjuhët e botës përfshi edhe shqipen.
Nëse ju e përktheni termin vetëm si "bota e komunikimit" mua më duket shumë përgjithësuese, e ashtu siç tha edhe Monika, ajo nuk identifikon për cilën formë komunikimi bëhet fjalë.

19:58 Jun 10, 2009 

E dashur Fabiana,
Më vjen shumë ke që vini në dyshim fjalët e mia edhe pse nuk më njihni personalisht. Fjala Uebsajt është e pranuar si fjalë e gjuhës shqipe. Sa për informacion po të hapni Fjalorin Anglisht - Shqip (Pavli Qesku) me rreth 120 000 fjalë e 600 000 shembuj e idioma në faqen 1948 do ta gjesh fjalën në diskutim. Të njëjtin informacion mund ta gjesh edhe në burime të tjera.
Tek adresa e mëposhtme mund të lexosh mbi historinë e fjalës "blogosphere"

Dhe sa për grupin dhe klasën që unë po marr nuk mendoj se unë duhet të jap sqarime por e bëj këtë vetëm për respekt meqë po pyet. Jam duke marrë klasa për doktoratë në linguistike dhe grupi është shokët dhe shoqet e klasës.Eshtë një grup intelektual dhe me qëllime shumë largpamëse. Jam e lumtur që jam pjesë e këtij grupi.

Së fundi dua të them se bashkohem me gjithë shpirt me ty kur thua "Rroftë mendimi i lirë". Kjo mua më ka munguar gjatë pjesës më të madhe të jetës time dhe tani unë me të vërtetë po e shijoj atë, ndoshta më shumë se cdokush tjetër.
Uroj që të kesh një mbasdite të mrekullueshme.
Klemi
http://en.wikipedia.org/wiki/Blogosphere

16:29 Jun 10, 2009 

Ju lutem përmbajuni rregullave dhe shkruani vetëm në shqip në këtë diskutim. Ju falënderoj paraprakisht.

12:41 Jun 10, 2009 

Përshëndetje të gjithëve :))

1) Dallimi midis dy termave blogosphere dhe logosphere:
- http://en.wikipedia.org/wiki/Blogosphere
- http://en.wikipedia.org/wiki/Logosphere
I uroj fat cilitdo që mendon se njëra ka zëvendësuar tjetrën.

2) Asnjë fjalor, së paku ata që kam unë, nuk përfshijnë "uebsajt". Ehhm, kërkoj ndjesë nëse ndonjë fjalor që unë nuk kam e përfshin këtë term.

3) Çfarë është ajo që po merrni ju, Klemi? Klasë? E keni fjalën ndoshta për lëndën/kursin ku po merrni pjesë?

4) Ta kthesh botën përmbys dhe nuk gjen gjëkundi përkthimin e fjalës blog dhe aq më pak një afërsi përkthimi, referencë, apo çfarëdo të fjalës blogosphere. Në këtë rast edhe më shumë fat ju uroj ju dhe grupit tuaj dhe rroftë mendimi i lirë :)).

Shëndet të gjithëve :))

09:58 Jun 10, 2009 

E dashur Fabiana. <br>Jam shumë dakort kur ju bëni komente rreth fjalës Ubsajt që unë kam përdorur gjatë komentit tim. Por fjala Uebsajt është pranuar si fjalë e gjuhës shqipe dhe po të kërkoni do të shikoni se është pjesë e fjalorit tonë. <br>Gjithashtu dhe jam shumë e sigurt për këtë,ju do të shikoni se dhe komenti që ju keni bërë në fjalinë e fundit nuk është i vërtetë. Një nga klasat që unë po marr tani ka të bëj konkretisht me pastërtinë e gjuhës, jo të shqipes në vecanti, por të gjuhëve në përgjithësi. Para se të shkruaja mendimin tim unë dhe antarët e grupit kemi kërkuar e diskutuar shumë rreth fjalës blogosphere. Mund të them përsëri se komenti im qëndron.Nuk jam aspak fanatike e përkthimit deri në atë pikë sa të rrezikoj kuptimin e fjalës, por kur egziston mundësia për ta përkthyer unë e shfrytëzoj atë.Pastërtia e gjuhës është qëllimi i të gjithëve. Le të përpiqemi ta mbajmë.

06:25 Jun 10, 2009 

Jam shumë dakord që duhet të mbajmë të pastër gjuhën shqipe dhe për këtë përpiqemi të gjithë besoj.

Atëherë Klemi, ju e para nuk duhet të shkruani "Uebsajt"!!! Faqe interneti ose website. Një përkthyes teknik i vërtetë njeh dallimin midis termit të pranuar dhe të përdorur në shqip për një pajisje, element teknik, dukuri, etj dhe fanatizmit për të përkthyer me çdo kusht, duke rrezikuar kuptimin e termit. Unë pranoj që ka edhe tendenca për të lënë ndonjë herë pa qenë e nevojshme termin në gjuhë të huaj, por e përsëris, duhet përvojë në një fushë të caktuar, përveç cilësive të tjera të domosdoshme.

Që të kthehemi tek termi ynë, blog nuk përkthehet. Blog nuk është as "botë" dhe ku e di unë se çfarë, së paku në kuptimin e përdorur në këtë fushë.

03:10 Jun 10, 2009 

The primary purpose of GBK questions is to enable the ProZ.com community to together find the best translation of a given term into a given language, and to incorporate the term and its translation into an authoritative multi-lingual glossary which will be made available openly under the Creative Commons "Attribution" license.<br><br>Duke pasur parasysh qëllimin e GBK ne duhet të gjejmë përkthimin më të përshtatshëm për fjalën e dhënë e cila në rastin tonë është “blogosphere”. Fjala “blog” nuk është fjalë shqip dhe ne duhet ti lemë mënjanë preferencat personale dhe të mundohemi të gjithë së bashku të gjejmë përkthimin e duhur.<br>
Ne duhet të përpiqemi ta mbajmë sa më të pastër gjuhën shqipe dhe jo ta mbingarkojmë akoma më shumë me fjalë të huazuara.

17:10 Jun 4, 2009 

Bazuar në gjuhët kryesore si anglisht, frengjisht, spanjisht e italisht ky term mendoj se mund të përdoret në formën e tij origjinale.